الفصل 475 : قصة البنية الي قتلها القانون

كان ياما كان،في سابق العصر و الأوان،1

كان واحد الفصل من القانون، اسمه الفصل 475

فصل يا ناس بحال هذيك الفصول الي كانت في هذاك الزمان تقهر و تضلم و تحكر جميع النساء. 1

هاذ الفصل ا سيادنا تيسمح لشي واحد إلا اغتاصب شي بنت صغيرة يفلت من العقاب !! كيفاش يفلت من العقاب ؟ 1

يتزوجها…  1

بحلا شي ما سار… 1

و هاكذا يحميو شرف البنية و شرف العائلة و القبيلة.1

شحال من بنت عانات و شحال من بنت من الحكرة و الضلم تقتلات… 1

في يوم من الأيام، واحد البنت يا ناس، شابة صغيرة و جميلة و مازال قدامها الحياة، بغات تقرا و تنجح و تزيد لقدام… 1

تغتاصبت… 1

و كان الي كان… الأم ملي ساقت لخبار بكات و حزنات… 1

  1  كيفاش ندير ياناس، بنتي تعرضات للاغتصاب، اش نقول لباها واش نقول لأهل الدوار؟

ملي الأب ساق الأخبار، قرر يرفع دعوة القاضي. يرجع حق البنت و يرد ليها الاعتبار… 1

القاضي خمم و اقترح اقتراح، يزوجو البنت لمول الفعلة و هكذا ينقدوا شرف البنت و العائلة و القبيلة. 1

عيب يتسمع بأن البنت تغتاصبات و فقدات العذرية! 1

أما لي اغتاصب فهو راجل ما عليه خطية… و حتى واحد ما ينعت فيه ولا يقول فيه شي كلمة ماشي هي… 1

و هاكذا تزوجات البنية… 1

ودعت المدرسة و صحاباتها و صبحت امرأة، تتشقى و تخدم و تاكل العصا حتى هي… 1

وليديها اديهم مكبلين، بنتهم عايشة الذل و الحكرة و ما باليد حيلة… 1

في واحد النهار من الايام، ضاق بها الحال… لا حد يسمع ليها ولا يأخذ بيدها : صبري أبنتي هاذ هو حال النساء. و ماتنسايش راه طلع ولد الناس و قبل يتزوج بيك و ماخلاكش مرمية. 1

الحاصول يا ناس، البنية من كثرة الضلم شربت السم، باش تموت و تهنى من هاذ العيشة لي ما فيها هنية…

شاعت الأخبار و انتشرت من بلاد و وصلات حتى لبغداد… 1

ناس ماقبلوش هاذ الضلم و قالو لازم يكون الحل، الفصل 475 من القانون هو السبب. 1

لازم يتغير و يترد الاعتبار! 1

شمرت النساء و اتحدت، و اتفقت على كلمة وحدة : لي اغتصب يتعاقب، أما البنت فخص ناخدو بيديها و نعونوها… 1

و بدات تتشيع أخبار ديال بنات قصتهم تتشبه لهاذ القصية… ناضو شي ناس و قالو : هاذا شي خارج على ثقافتنا ! اذا البنت تغتاصبات، مشا شرفها و خاص نطلبو الي اغتاصبها لعلى و عسى يقبل يسترها ! 1

لعيالات بقاو مصرات، و على كلمة وحدة متافقات، وصلات الاخبار لحاكم البلاد… العيالات خرجوا في مسيرات، مرة و جوج و ثلاثة… تشكلات لجنة من الحكماء… راجعت القوانين و حدفوا الفصل 475 و معاه جميع الفصول لي تهين و تحقر و تحكر المرأة… 1

و هكذا يا ناس، عاشت المرأة هازة الراس الى يومنا هذا…1

…و خبيرتي مشات مع الواد و جات مع الجواد

( مع متمنياتي أن يصبح الفصل 475 و جميع القوانين الجائرة في حق النساء في خبر كااااااااان)